Kungiyar Houthi ta sanar da harba wani makami mai linzami da ta kera da kanta, zuwa birnin Eilat mai tashar jiragen ruwa na Isra’ila, a jiya Litinin. 

Kakakin kungiyar Yahya Sarea da ya sanar da hakan, ya bayyana harin a matsayin wanda ya cimma nasara. Ya kara da cewa, kungiyar Houthi ta yi amfani da sabon nau'in makami mai linzami da ta kera karo na farko, wajen wannan hari da ta kai daidai kan wani sansanin soja a birnin Eilat.

Kazalika, bisa rahoton da kafar watsa labarai ta Isra’ila ta bayar jiya Litinin, sojojin Isra’ila sun kakkabo wani makami mai linzami da ya taho daga bahar maliya zuwa birnin Eilat. (Safiyah Ma)