Bangaren mayakan Hamas wato Al-Qassam, ya ce ya kaddamar da harin makami mai linzami kan birnin Tel Aviv a yau Lahadi, yayin da aka ji karar jiniya a birnin da sauran sassan tsakiyar Isra’ila, karon farko cikin watanni.

Kakakin rundunar tsaron Isra’ila ya ce an harba akalla rokoki 8 zuwa yankin tsakiyar Isra’ila daga Rafah dake Zirin Gaza.

Hukumomin bayar da agajin gaggawa na Isra’ila sun ce wasu mutane 3 sun dan ji rauni sanadiyyar harin. (Fa’iza Mustapha)