Mataimakin daraktan asibitin Roosevelt, ya ce firaministan Slovakia Robert Fico ba ya cikin hadari, bayan kammala yi masa tiyata har guda biyu, sakamakon harbin sa da aka yi da bindiga a ranar Laraba.

Kamfanin dillancin labarai na kasar TASR, ya rawaito Milan Urbani na cewa, bayan nazarin jikin mista Fico, likitoci sun amince ba wata matsala, kuma zai ci gaba da murmurewa. To sai dai kuma ya ce har yanzu firaministan na cikin yanayi mai tsanani, kuma yana bukatar tsawon lokaci domin hutawa da samun cikakkiyar warwarewa. (Saminu Alhassan)