Kamfanin dillancin labaran Falasdinu Wafa ya rawaito cewa, akalla mutane 20 ne suka rasa rayukansu sakamakon ci gaba da hare-hare da Isra’ila ke kaiwa birnin Rafah da ke kudancin zirin Gaza tun safiyar Talata.

Isra'ila ta kai hari kan akalla gine-gine hudu a Rafah, tare da raunata mutane da dama, a cewar rahoton.

Kungiyar dakarun Al-Qassam, reshen kungiyar Hamas masu dauke da makamai, ta bayyana a cikin wata sanarwa da ta fitar a ranar Talata cewa mayakansu sun kai hari kan sojojin Isra'ila da ke kewayen mashigar Rafah. (Yahaya)