A ranar 5 ga wata, agogon Beijing ne, aka harba kumbon Shenzhou-14 daga cibiyar harba tauraron dan Adam ta Jiuquan ta kasar Sin.Kafin wannan, kasar Sin ta harba kumbuna samfurin Shenzhou guda 13 cikin nasara, kuma kamar  kumbuna 13 na baya, kumbon Shenzhou-14 wanda ke da tsayin  mita 9 da  nauyin sama da ton 8, shi ma yana kunshe da sassa uku. Wato sashen sama na kumbo bangaren da ‘yan saman jannati ke aiki da rayuwa,sai sashe na tsakiya shi ne bangaren da zai dawo da ‘yan saman jannati doron kasa bayan sun gama aiki, sai kuma sashe na kasa wanda ya kasance bangaren da ke tura gaba dayan kumbon gaba, wanda ke dauke da na’urorin samar da wuta da makamashi.(Lubabatu)