Sin kasa ce ta farko a duniya da ta samar da shinkafar da aka inganta irinta ta hanyar kimiyya da ma yayata fasahar a duniya, fasahar da kungiyar FAO mai kula da harkokin hatsi da noma ta MDD ta saka a matsayi na farko daga cikin fasahohin noma don daidaita matsalolin karancin abinci da kasashe masu tasowa suka fuskanta. Kawo yanzu, an yayata fasahar zuwa kasashe da shiyyoyi sama da 60, ciki har da Nijeriya da sauran kasashen Afirka, wadda ta taimaka ga daidaita matsalar abinci da biliyoyin al’umma ke fuskanta a duniya.（Lubabatu)