Jiya Talata, zaunannen wakilin kasar Sin dake MDD Ma Zhaoxu, ya bayyana a taron muhawara kan kiyaye fararen hula yayin rikice-rikice wanda kwamitin sulhu na MDD ya gudanar cewa, a matsayin cibiyar tsarin tsaro na kasa da kasa, ya kamata kwamitin sulhu na MDD ya aiwatar da ayyukan kiyaye tsaro, da wanzar da zaman lafiyar kasa da kasa yadda ya kamata, da kuma matakan diflomasiyya na rigakafi, da kuma sa kaimi da a warware rikice-rikice ta hanyar siyasa, ta yadda za a dakilewa al'ummomin kasa da kasa fuskantar wahalar tashe-tashen hankali.
Haka kuma, ya kamata kasa da kasa su karfafa dunkulewar al'ummarsu, da kuma yin shawarwari kan gudanar da harkokin kasa da kasa cikin hadin gwiwa, ta yadda za a tabbatar da zaman lafiyar duniya. (Maryam)
