Bisa labarin da aka samu, an ce, cikin taron karawa juna sani na manoma da ma'aikata na kasar Guinea-Bissau karo na hudu da aka yi a karshen makon da ya gabata, manoma da ma'aikata daga wurare daban daban na kasar da suka halarci taron sun yi kira ga gwamnatin kasar da ta kafa wata makarantar koyar da fasahohin ayyukan noma.

Haka kuma, a yayin taron, manoma da ma'aikata na kasar sun bayyana cewa, ana sa ran kafuwar makarantar ne domin samun karin ilmi game da shuka kayayyakin gona, koyon fasahohin sarrafa kayayyakin gona da kuma yadda za a gudanar da noman cashew ta hanyoyin da suka dace, yayin da kuma yin amfani da albarkatun dajin kasar yadda ya kamata da dai sauransu, ta yadda za su iya samun karin kudin shiga ga iyalansu.

Haka kuma, sun ba da shawara cewa, ya kamata a kafa yankin noman auduga a gabashin kasar, domin habaka ayyukan gona a wannan kasa. (Maryam)