A cewar kakakin babban magatakardan MDD Farhan Haq, Amos wadda ta kasance a wannan matsayin tsawon shekaru hudu, za ta sauka daga mukamin nata ne a watan Maris na shekarar mai zuwa.
Farhan Haq ya kuma gabatar da sanarwar da Ban Ki-moon ya fitar game da wannan batu, sanarwar da baya ga amincewa da murabus din nata, ya kuma bayyana godiyarsa game da irin gudummawar da Amos ta bayar ga kungiyoyin jin kai, da masu bukatar ayyukan jin kan. Ko da yake dai ba a bayyana dalilin da ya sanya jami'ar yin murabus a yanzu ba. (Maryam)
