Kakakin ma'aikatar kasuwancin kasar Sin Gao Feng, ya bayyana a jiya Alhamis cewa, cikin sayayyar ranar gwagware ta kasar Sin ta shekarar bana, wato ranar 11 ga watan Nuwamba, adadin cinikayyar intanet ya haura zuwa sabon matsayi. Kana masu sayayya na kasashen ketare sama da miliyan biyu ne, suka saye kayayyakin yayin bikin ranar gwagware, lamarin da ya nuna cewa, bikin gwagware na kasar Sin na ranar 11 ga watan Nuwanba yana ci gaba da samun karbuwa a kasashen ketare.

Gao Feng ya kara da cewa, daga ranar 1 zuwa ranar 11 ga watan Nuwanba, adadin hajojin ketare da aka sayar ta intanet ya wuce yuan biliyan 30, kuma kasashen Japan, Amurka, Koriya ta Kudu, Australia da kuma Jamus, su ne ke kan gaba cikin jerin kasashen da aka fi shigo da hajojinsu daga ketare. Wani babban kamfanin sayar da kayayyaki na intanet na kasar Sin, ya shigo da hajoji daga kamfanonin ketare kimanin dubu 19, daga kasashe da kuma yankunan ketare 75. A sa'i daya kuma, masu sayayya na kasashen ketare sama da miliyan biyu sun kashe yuan biliyan 3 don yin sayayya a kamfanonin cinikayya na intanet na kasar Sin. (Maryam)