Ma'aikatar harkokin cikin gidan kasar Masar ta fidda wata sanarwa a jiya Talata cewa, shugaban kasar Abdel Fattah al Sisi ya yi wa wasu fursunoni 2300 ahuwa, ciki har da mutane 627 da suka karya yarjejeniyar bashin. Wani asusu da shugaban kasar ya kebe a shekarar 2014 da wasu kungiyoyin al'umma suka biya nasu bashin.

Bugu da kari, ma'aikatar ta kafa wani kwamitin musamman ne da ya gudanar da bincike kan ko sauran fursunonin sun cika sharadin a yafe musu laifi, ko a'a. A karshe kuma, ya tabbatar da cewa mutane 1749 ne suka cika sharadin.

Rahotanni na cewa, shugaban kasar Masar ya kan yi ahuwa ga fursunoni a lokacin da ake gudanar da wasu manyan bukukuwa. (Maryam)