A safiyar jiya Talata, uwargidan shugaban kasar Afirka ta Kudu Tshepo Motsepe ta yiwa uwargidan shugaban kasar Sin kuma manzon musamman ta UNESCO kan aikin ba da ilmi ga mata da 'yan mata, Peng Liyuan rakiya zuwa gidan kula da kananan yara a unguwar Uthando dake yankin karkara na birnin Pretoria.

Peng Liyuan ta ce, yara su ne makomar kasa, muna fatan za a sada kyakkyawan zumunci a tsakanin yaran Sin da na Afirka ta Kudu, ta yadda za a ciyar da daddaden zumuncin dake tsakanin kasashen biyu gaba.

A safiyar wannan rana kuma, Peng Liyuan ta halarci bikin kammala horaswa da aka shirya ga malaman yara a birnin Pretoria. (Maryam)