in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Li Keqiang ya yi shawarwari da masanan ketare dake Sin
2018-02-06 09:59:12 cri

Da yammacin jiya Litinin ne aka kira taron shawarwari a babban dakin taron jama'a dake birnin Beijing, inda firaministan kasar Sin Li Keqiang ya gana da kuma yin shawarwari da wasu masanan kasashen waje dake kasar Sin.

A yayin taron, firaminista Li Keqiang ya kuma mika sakon murna ta sabuwar shekara ga dukkanin masanan kasashen waje dake aiki a nan kasar Sin.

Haka kuma, wasu masana sun bayyana ra'ayoyi da shawarwarorinsu kan harkokin kwaskwarima a fannonin tattalin arziki da ayyukan koyarwa, da kuma kiyaye muhalli da dai sauransu.

Firaminista Li ya kuma saurari shawarwarin masanan, inda ya kuma yi musayar ra'ayoyi da su.

Li Keqiang ya kuma jaddada cewa, kasar Sin za ta aiwatar da manufofin janyo hankulan masanan kasashen ketare, wadanda za su dace da bukatun masanan dake zuwa aiki da kuma zaman rayuwa a kasar ta Sin. Kaza lika za a ba da biza ta shiga da fita daga kasar Sin sau da dama ta tsawon shekaru biyar, da kuma ta shekaru goma, tare da samar da matakai masu sauki na samun izinin zama na dindindin a kasar Sin da dai sauransu.

Bugu da kari, firaminista Li ya ce, ana fatan masanan kasashen ketare za su ba da karin shawarwari ga kasar Sin, da kuma ba da gudummawa ta bunkasar kasar, da kyautatuwar harkokin masana'antun kasar da dai sauransu. (Maryam)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China