Kakakin rundunar sojan kasar Congo-kinshasa ya sanar a ranar 8 ga wata cewa, sojojin kiyaye zaman lafiya na MDD sun harbe mayakan kungiyar adawa da gwamnatin kasar Uganda ADF, sama da guda 70, a harin da dakarun suka kai a daren ranar 7 ga wata.

Kakakin ya kara da cewa, a daren ranar 7 ga watan, mayakan kungiyar ta ADF sun kai hari kan sojojin kiyaye zaman lafiya na MDD dake lardin arewacin Kivu dake gabashin kasar Congo-kinshasa, inda sojojin kiyaye zaman lafiyar MDD suka harbe mayakan kungiyar a kalla 72.

Haka kuma, bisa wata sanarwar da kwamitin sulhu na MDD ya fitar a ranar 8 ga wata, an ce, harin da aka kai ya haddasa rasuwar sojojin kiyaye zaman lafiya na MDDr 'yan kasar Tanzania su 15, sannan a kalla sojoji 53 ne suka jikkata. (Maryam)