Ministan harkokin kudin kasar Amurka Steven Terner Mnuchin ya bayyana a jiya cewa, shugaban kasar Amurka zai dukufa wajen hana barkewar yakin makaman nukiliya tsakanin kasar sa da kasar Koriya ta Arewa.

Ya kuma kara da cewa, matakan da shugaban kasar Donald Trump ya dauka a kwanan baya sun nuna cewa, zai dauki dukkan irin matakai na tattalin arziki, da na soja, domin warware matsalar kasar Koriya ta Arewa.

A sa'i daya kuma, ya ce, shugaba Trump ba ya fatan shigar da kasar Amurka cikin wani yaki na makaman nukiliya, don haka ne ma, za a dukufa wajen hana duk wani yanayi da ka iya haifar da barkewar yakin makaman nukiliya tsakanin kasar Amurka da Koriya ta Arewa. (Maryam)