in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Jiragen yakin Amurka sun yi shawagi daura da tekun Koriya ta arewa
2017-09-24 14:14:27 cri
Jiragen saman yakin Amurka samfurin B-1B Lancer masu dauke da boma bomai, da samfurin F-15C Eagle fighter a ranar Asabar sun yi shawagi a sararin samaniyar tekun dake gabashin Koriya ta Arewa, kamar yadda fadar tsaron Amurka ta Pentagon ta tabbatar da hakan.

A wata sanarwa da ma'aikatar tsaron Pentagon din ta sanar tace, wannan ne karon farko a karni na ashirin da daya, da jiragen yakin Amurkar suka yi nisan zango kusa da Koriya ta Arewar, matakin tura jiragen ya faru ne domin nuna cewa Amurkar da gaske take wajen maganin halayyar kunnen kashi da Koriya ta Arewa ke nunawa game da batun gwajin makamanta na Nukiliya.

Dama dai a cikin jawabin da ya gabatar a taron MDD, shugaban Amurkar Donald Trump a ranar Talata yayi barazanar cewa, Amurkar bata da wani zabi illa ta lalata shirin makaman na nukilyar Koriya ta arewa domin kare kanta da kawayenta.

A ranar Juma'ar data gabata, kasar Sin ta bukaci dukkan masu ruwa da tsaki dasu guji daukar duk wani mataki da zai iya dagular al'amurra game da batun zirin Koriya.

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China