A kwanan baya ne, aka shirya wani babban taron ayyukan nukiliya karo na 25 a birnin Shanghai na kasar Sin, bisa taken "makamashin nukiliya, makamashi mai tsabta da kuma inganci".
Rahotanni na cewa, a halin yanzu, an shiga wani sabon zamani na bunkasuwar makamashin nukiliya a kasar Sin, ya zuwa shekarar 2020, adadin wutar lantarki da na'urorin nukiliya za su samar zai kai megawatts miliyan 88. Haka kuma, fasahohin kasar Sin na samar da wutar lantarki da makamashin nukiliya sun kasance a kan gaba a fadin duniya, lamarin da ya baiwa kasar Sin damar kasancewa cibiyar ayyukan samar da wutar lantarki da makamashin nukiliya a duniya. (Maryam)
