Tawagar wanzar da zaman lafiya da Majalisar Dinkin Duniya ta tura zuwa kasar Sudan ta Kudu wato UNMISS ta bayar da wata sanarwa a jiya Litinin, inda ta ce, wata arangama ta barke a birnin Wau dake arewa maso yammacin kasar, lamarin da ya hallaka fararen-hula 16, tare da jikkata wasu 10.
Kasar Sudan ta Kudu na fama da tashe-tashen hankula a shekarun nan. A watan Afrilun shekara ta 2016, shugaban kasar wato Salva Kiir da madugun 'yan hamayyarsa wato Riek Machal, sun kafa gwamnatin hada kai ta rikon-kwarya, amma dakarun bangarorin biyu suka yi taho-mu-gama a watan Yulin bara, har Riek Machal ya tsere zuwa kasar waje. (Murtala Zhang)
