Kungiyar raya tattalin arzikin kasashen Afirka ta yamma ECOWAS, ta bullo da wani shiri, na gina wata babbar hanyar mota daga birnin Ikkon Najeriya zuwa Dakar, fadar mulkin kasar Senegal.

Rahoton da Jaridar La Tribune ta kasar Faransa ta wallafa, ya ce shimfida wannan babbar hanya ta kunshi matakai biyu.

A mataki na farko, za'a shimfida hanya mai tsawon kilomita 1028, daga birnin Abidjan na kasar Cote d'Ivoire zuwa birnin Ikko, inda a mataki na biyu kuma, za'a gina hanya mai tsawon kilomita dubu 3 daga Abidjan zuwa Dakar. (Murtala Zhang)