Wang Yi ya gana da ministar hadin gwiwa da dangantakar kasa da kasa ta Afirka ta Kudu
Ministan harkokin wajen kasar Sin Wang Yi, ya gana da ministar kula da harkokin hadin gwiwa, da dangantakar kasa da kasa ta kasar Afirka ta Kudu uwar gida Maite Nkoana Mashabane.
A yayin ganawar tasu, Mr. Wang ya bayyana cewa, bisa jagorancin shugabannin kasashen biyu, da kuma hadin gwiwar kasashen biyu, ana ci gaba da kyautata dangantakar abokantaka dake tsakanin kasar Sin da kasar Afirka ta Kudu bisa manyan tsare-tsare. Haka kuma, kasar Sin tana fatan ci gaba da karfafa hadin gwiwar dake tsakaninta da sauran mambobin kungiyar BRICS, domin shirya taron ganawar shugabannin kungiyar BRICS da zai gudana a birnin Xiamen na kasar Sin a watan Satumba yadda ya kamata. (Maryam)
