A jiya Alhamis, kamfanin makamashin wutar lantarki na kasar Sin (PowerChina) ya sanar da kafa babban reshensa na yankin Afirka ta tsakiya da ta yamma a birnin Abidjan na kasar Cote d'Ivoire, da zummar sa kaimi ga hadin gwiwa tsakanin Sin da kasashen Afirka a fannin makamashi da samun moriyar juna, ta yadda za a sa kaimi ga bunkasuwar tattalin arzikin kasashen Afirka ta tsakiya da ta yamma.

Wannan reshen kamfanin ChinaPower ya shafi kasashe da yankuna 26 dake tsakiya da yammacin Afirka, yayin da aikinsa ya shafi samar da wutar lantarki, da kafa manyan kayayyakin amfanin jama'a, da raya albarkatun ruwa, da kafa kayayyakin jigilar wutar lantarki da sauransu.

An ba da labari cewa, a shekarar 2008, kamfanin PowerChina ya fara aiki a kasar Cote d'Ivoire. Aikin samar da wutar lantarki ta hanyar amfani da ruwa na Soubre da kamfanin PowerChina ya kafa, tasha ce mafi girma a wannan fanni a kasar Cote d'Ivoire, wadda za ta dasa babban tushe na cimma burin kasar na samar da wutar lantarki da yawanta ya kai KW miliyan 4 nan da shekarar 2020.(Fatima)