Rahotanni na cewa, kumbon kasar Sin mai dauke da mutane biyu samfurin Shenzhou 11, wanda aka harba a ran 17 ga watan Oktobar da ta gabata zai dawo doron duniya. Kuma a halin yanzu, ana cikin shiri na sauke kumbon a yankin ciyayi dake tsakiyar Mongolia ta gida.

Ya zuwa yanzu, kumbon mai dauke da 'yan sama jannati guda biyu, watau Jing Haipeng da Chen Dong, ya yi kewaye kan wata da'ira a tsawon kwanaki 33. Kuma bisa shirin da aka tsara, kumbon Shenzhou 11 ya bari tashar gwajin sararin sama ta kumbon Tiangong 2 a jiya Alhamis, sa'an nan zai iso doron duniya a yau Juma'a da yamma. (Maryam)