Za a gudanar da taron kolin G20 a birnin Hangzhou na kasar Sin tun daga ranar 4 zuwa ta 5 ga watan Satumba, mataimakin babban magatakardan MDD mai kula da harkokin tattalin arziki da zaman takewar al'umma Wu Hongbo ya bayyana cewa, taron kolin G20 da za a yi zai ba da taimako matuka ga kasa da kasa wajen cimma burin neman dauwamammen ci gaba.
Haka kuma, ya ce, a matsayin kasa mai shugabancin kungiyar G20 na wannan karo, kasar Sin tana mai da hankali matuka kan batun neman dauwamammen ci gaban duniya, shi ya sa, taron da za a yi zai ba da gudunmawa kai tsaye ga kasa da kasa wajen aiwatar da jadawalin neman dauwamammen ci gaba na shekarar 2030 bisa fannoni daban daban, da kuma yadda ya kamata. (Maryam)
