A bisa halin rashin bunkasuwar tattalin arzikin duniya, farfesa Khairy Tourk, masani kan harkokin tattalin arziki a kwalejin injiniya dake Illinois na kasar Amurka ya bayyana a kwanakin baya cewa, za a bullo da sabbin hanyoyin da za su taimaka ga samun ci gaba a duniya a gun taron kolin kungiyar G20 da za a gudanar a birnin Hangzhou na kasar Sin.
Tourk ya bayyana cewa, yana farin ciki sosai da yadda aka shigar da batun raya masana'antu na kasashe maso tasowa a matsayin manyan batutuwan da za a tattauna a gun taron kolin G20 da za a gudanar a birnin Hangzhou, a ganinsa, samun ci gaba da yadda kasar Sin ke yiwa tsarin tattalin arzikinta kwaskwarima za su samar da fasahohi da dama ga sauran kasashe masu tasowa. (Zainab)
