in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Ma'aikatar tsaron kasar Amurka ta ce Turkiya ta rufe sansanin sojan samanta dake daukar nauyin yaki da kungiyar IS
2016-07-17 12:42:06 cri
A jiya Asabar, ma'aikatar tsaron Amurka ta bayyana cewa, Turkiya ta rufe sararin samaniyar kasar dake karkashin kulawar sansanin sojan sama na Incirlik a kudancin kasar, hakan ya yi tasiri ga aikin hadaddiyar kungiyar kasashe da dama a karkashin jagorancin Amurka na yaki da kungiyar IS ta jiragen sama.

A wannan rana, kakakin ma'aikatar tsaron Amurka, Peter Cook ya bayyana a cikin wata sanarwar cewa, sakamakon abkuwar juyin mulkin soja da bai yi nasara ba a Turkiya a daren ranar 15 ga wata, kawo yanzu Turkiya ta hana zirga zirgar jiragen sama a sararin samaniyarta dake karkashin kulawar sansanin Incirlik. Sojojin Amurka da na hadaddiyar kungiyar kasashen duniya suna amfani da wannan sansanin soja domin yaki da kungiyar IS dake Iraki da Syria. Yanzu Amurka tana mu'amala da Turkiya, da zummar farfado da amfani da sansanin tun da wuri. Kuma Peter Cook ya kara da cewa, sabo da ana amfani da wutar lantarki da aka samar daga cikin sansanin na Incirlik, shi ya sa karancin wutar lantarki a kasar Turkiya bai yi illa wajen cigaba da gudanar da al'amurra a wannan sansani ba.(Fatima)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China