Jiya Lahadi 12 ga wata, kakakin rundunar sojan kare gwamnatin hadin gwiwar al'ummomin kasar Libya ya gaskata cewa, a wannan rana, kungiyar IS ta kai harin kunar bakin wake har sau uku ga rundunar sojan a birnin Sirte dake yammacin kasar, amma bai sanar da adadin mutanen da suka rasu sakamakon wadannan hare-haren ba.
Cikin 'yan shekarun nan, kungiyoyin ta'addanci da masu tsattsauran ra'ayi suna kara habaka a kasar Libya saboda yanayin tashe-tashen hankula da kasar ke fuskanta. Shi ya sa, tun a watan Mayu na shekarar bana, rundunar sojan kare gwamnatin hadin gwiwar al'ummomin kasar ta Libya ta karfafa ayyukanta wajen yaki da kungiyar IS. (Maryam)
