Kaza lika, bisa rahoton zazzabin cizon sauron na duniya na bara wanda hukumar WHO ta fitar, an ce an samu babbar raguwa kan adadin masu kamu da ciwon, musamman mutanen da ke rasuwa sakamakon ciwon tun daga shekara ta 2000, sai dai a daya hannun, an cimma wannan nasara ne ta hanyoyin yin amfani da gidan sauro, da bincike, da kuma samar da magungunan cutar ta zazzabin sauro da dai sauran su.
Sai dai ya zuwa yanzu, ana ci gaba da fuskantar babban kalubale kan wannan aiki, sabo da kusan rabin mutanen duniya suna fuskantar kalubalen kamuwa da wannan ciwo, inda a shekarar 2015, aka samu karin mutane miliyan 214 dake kamu da ciwon zazzabin na sauro, yayin da dubu 438 suka rasu sakamakon kamuwa da cutar, kuma galibin su 'yan kasashen dake kudancin Sahara ne.
Kaza lika, a halin yanzu mutane sama da miliyan ba su iya samun kulawa yadda ya kamata, wajen kare kan su daga wannan ciwo. An dai kebe ranar 25 ga watan Afrilun ko wace shekara, a matsayin ranar yaki da cutar zazzabin cizon sauro ta duniya. A bana kuma taken ranar shi ne, "kawo karshen yaduwar zazzabin cizon sauro a duniya". (Maryam)
