Jiya Litinin 25 ga wata, kwamitin sulhu na MDD ya fidda wata sanarwa, inda ya nuna maraba da tsagaita bude wuta a tsakanin bangarorin daban daban na kasar Yemen, yayin da kuma farfadowar shawarwarin neman sulhu a kasar. Haka kuma, kwamitin ya sa kaimi ga bangarorin da abin ya shafa da su halarci taron shawarwarin neman sulhu cikin fahimtar juna da adalci.

Kaza lika, kwamitin ya yi kira ga bangarorin da su tsara wani shiri kan yadda za a aiwatar da ayyukan daukar matakan kiyaye tsaro, janye sojoji, mika makamai, sake ginawar hukumomin kasar da kuma yin shawarwarin siyasa da dai sauransu. (Maryam)