Cikin wata sanarwar da kakakin sa ya fitar, Mr. Ban ya yi matukar Allah wadai da harin na kasuwar Khaleq dake arewa maso gabashin birnin Sanaa, wanda ya zama mafi muni tun cikin watan Satumbar bara.
Rahotanni na cewa gamayyar dakarun da kasar Saudiyya ke jagorata ne suka kaddamar da harin ta sama.
Mr. Ban ya nuna damuwar sa game da ci gaba da aukuwar hare hare ta sama da kasa a kasar ta Yemen, duk kuwa da kiraye-kirayen da ake ta yi na tsagaita bude wuta.(Saminu Alhassan)
