Jiya Laraba 16 ga watan ne babban magatakardan MDD Ban Ki-moon ya fidda wata sanarwa ta bakin kakakinsa cewa, wadda ke Allah wadai da harin boma-bomai, wanda sojojin hadin gwiwa na kasashe da dama dake karkashin jagorancin kasar Saudiyya suka kai kan wata kasuwa, a garin Hajja dake arewa maso yammacin kasar Yemen, lamarin da ya sabbaba rasuwar mutane 67, kana wasu 55 suka jikkata.

Cikin sanarwar, Ban Ki-moom ya jaddada cewa, ya kamata bangarorin da abun ya shafa su mutunta, da kuma bin dokokin jin kai na kasa da kasa, da kuma dokokin kare hakkin dan Adam, kana su kaucewa kaiwa fararen hula hari, duba da cewa duk harin da aka kai kan fararen hula, laifi ne na keta dokokin jin kai na kasa da kasa. Ya ce kamata ya yi a gudanar da binciki kan wannan lamari yadda ya kamata, ba kuma tare da bata wani lokaci ba.

Kaza lika ya yi kira ga bangarorin da rikicin ya shafa, da su dakatar da daukar matakan soja, yayin da ake kokarin warware sabanin dake tsakaninsu ta hanyar siyasa. (Maryam)