A jiya Lahadi 27 ga wata, hadaddiyar kungiyar yaki da ta'addanci na kasashen musulmai da kasar Saudiya ta kafa, ta kira taron koli a karo na farko a birnin Riyadh, hedkwatar kasar Saudiya, domin tsara shirin daukar matakan yaki da ta'addanci a nan gaba.

Kakakin ma'aikatar tsaron kasar Saudiya, Brig. Gen. Ahmed Assiri ya bayyana a gun taron manema labaru da aka shirya bayan taron cewa, kungiyar za ta yi kokarin yaki da kungiyoyin ta'ddanci, ciki har da kungiyar IS daga fannoni hudu, wato aikin soja, nazari, kudi, da kuma fadakarwa.

Manyan kwamandoji da sauransu daga kasashe 39 sun halarci wannan taro na yini guda, ciki har da Masar, Turkiya, daular kasashen larabawa, Malaysiya, Pakistan, da ma wasu kasashen Afirka.