in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Zhou Xiaochuan: Sin ba za ta dogara kan manufar kudi wajen sa kaimi ga bunkasuwar tattalin arziki ba
2016-03-12 13:04:08 cri
A yau Asabar 12 ga wata, shugaban babban bankin kasar Sin, Zhou Xiaochuan ya bayyana a gun taron manema labaru da aka kira a gefen taron shekara-shekara na majalisar wakilan jama'ar kasar Sin da ke gudana a nan binrin Beijing cewa, kasar za ta dogara kan kara bukatun jama'a cikin gida domin samun karuwar GDP, a maimakon dogaro kan fitar da kayayyaki zuwa ketare, a sabili da haka, ba za ta dogara kan manufar kudi da na darajar musayar kudi domin cimma burin raya tattalin arziki ba.

Yace kasar Sin ba za ta dogara ga fitar da kayayyaki zuwa ketare kawai domin samun karuwar GDP ba, yayin da jimillar kudin cinikayya na fidda kayyayaki zuwa ketare ba zai ba da gudummawa kamar yadda ya yi a da ba a cikin karuwar GDP. A cikin wannan yanayi kuma, amfani da manufar kudi da ta darajar musayar kudi domin sa kaimi ga cinikayyar fitar da kayyayaki zuwa ketare ba zai ba da taimako sosai ba, haka ma a fannin sa kaimi ga bunkasuwar tattalin arzikin kasar.

Bayan haka, mista Zhou ya bayyana a fili cewa, Sin za ta ci gaba aiwatar da manufar kudi ta kaf da kaf idan ba za a fuskanci babbar matsalar kudi a nan gaba ba a Sin da ma duniya baki daya. (Fatima)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China