Mamban majalisar ba da shawara kan harkokin siyasa ta Sin, kana mataimakin shugaban babban bankin kasar, Yi Gang ya bayyana a yau Lahadi cewa, Sin za ta dauki matakan daidaita darajar musayar kudinta da sauran muhimman kudaden duniya, ta yadda darajar kudin Sin zai dore, kuma babu wani kwakkwaran dalilin ci gaban raguwar darajar kudin kasar.

A gun taron manema labaru da aka shirya a taron shekara shekara na majalisar ba da shawara kan harkokin siyasa ta Sin da ke gudana a nan birnin Beijing, Yi Gang ya bayyana cewa, darajar kudin RMB zai dore. Wannan kuwa saboda wasu dalilai guda uku. Da farko, tattalin arzikin Sin na ci gaba da bunkasa cikin sauri. Na biyu, akwai rarar kudin cinikayya na yau da kullum da dama, kuma yawan jarin da Sin ta zuba a ketare, da yawan jarin da aka zuba a cikin kasar daga ketare suna karuwa. Na uku, an samu kudaden kasashen waje da yawa da aka ajiye a cikin kasar.