Kakakin ma'aikatar harkokin sufuri ta kasar Sin Xu Chengguang ya bayyana a jiya Alhamis cewa, a bana, ma'aikatar surufin kasar za ta shirya tare da aiwatar da manyan ayyuka guda 13 domin tallafawa jama'ar kasar yadda ya kamata, haka kuma, biyar daga cikinsu ayyuka ne da ake ci gaba da gudanarwa a shekarar 2015, takwas daga cikinsu su kuma sabbin ayyukan da aka tsara.
Haka kuma, wadannan manyan ayyuka guda 13 sun hada da, gyara hanyoyin karkara na tsawon kilomita dubu dari biyu, shimfida hanyoyin mota a garuruwa dubu 7 dake yankuna masu fama da talauci, kyautata tsarin hanyoyin dake yankunan karkarar kasar, gudanar da aikin kiyaye tsaro da rayuwa a hanyoyi na tsawon kilomita dubu 50, da kuma tsoffin gyara gadoji guda dubu daya da dari biyar da dai sauransu. (Maryam)
