A yayin ganawar ta su, Mr. Wang Yi ya bayyana cewa, kasancewar makwabciyar kasar Afghanistan, Sin tana nuna cikakken goyon baya ga samar da sulhu a kasar ta Afghanistan, domin farfado da kasar bisa iyakacin kokari. Ya ce Sin na fatan zurfafa hadin gwiwa tsakanin ta da Afghanistan a duk fannoni, domin cimma moriyar juna, musamman ma a fannonin samun ci gaba da tabbatar da tsaro.
A nasa bangare, Mr. Rabbani ya bayyana cewa, kasar Afghanistan ta jinjinawa kasar Sin tare da yaba irin muhimmiyar rawar da take takawa a fannin wanzar da zaman lafiya da sulhu da kuma ci gaba a Afghanistan. Daga nan sai ya yi fatan kasashen biyu za su kara kokari a fannin cimma moriyar juna. (Fatima)
