Wani jami'in 'yan sandan ya bayyana cewa, an kai hare-hare a wata hanyar mota dake birnin Mogadishu, kuma galibin wadanda suka rasu ko jikkata fararen hula ne, kuma wani shugaban 'yan sandan wurin ya ji rauni.
Wasu ganau sun bayyana cewa, maharban sun fara bude wuta kan motar jami'an gwamnatin kasar, sa'an nan, an yi musayar wuta a tsakanin maharan da masu kiyaye tsaro, haka kuma, wata mota dake dauke da boma-bomai ta fashe bayan da 'yan sanda suka isa wurin musayar wuta.
Sojoji da masu aikin ceto sun isa wurin a lokacin barkewar hare-haren, tare da killace wurin. Ya zuwa yanzu, babu wanda ko wata kungiyar da ta dauki alhakin kai hare-haren, amma, 'yan sanda na ganin cewa, mai yiyuwa ne kungiyar al-Shabaab ta kai wadannan hare-hare. (Maryam)
