Kwamitin binciken dalilin faduwar jirgin saman kasar Rasha dake karkashin jagorancin kasar Masar, ya bayyana a ran 7 ga wata cewa, za a ci gaba da yin nazari kan akwatunan nadar bayanai na jirgin sama, dalilin hake ne har yanzu ba a da tabbaci kan dalilin da ya haddasa faduwar jirgin saman din ba.
Haka kuma, dangane da bayanan da wasu kafofin watsa labaran yammacin kasashe suka bayar, an ce, 'yan ta'adda suka sa boma-bomai cikin jirgin saman din, lamarin da ya janyo faduwar jirgin, shugaban kwamitin bincike, Ayman al-Mokadem ya bayyana cewa, babu wata shaidar dake tabbatar da hakan, haka kuma, ya nuna fatan kafofin watsa labarai da suka fitar da irin wadannan bayanai za su iya taimaka wa kwamitin wajen gudanar da bincike. (Maryam)
