Shugaban kasar Rasha Vladimir Putin ya bayyana a jiya Talata cewa, ya kamata a gudanar da bincike don gano dalilan faduwar jirgin sama na kasar a yankin Sinai da ke kasar Masar, sannan Rasha za ta mayar da martani game da batun.

Shugaban Putin ya gana da ministan sufurin kasar Maksim Sokolov wanda tuni ya ziyarci wurin da hadarin ya auku, Putin ya bayyana hadarin a matsayin wata babbar masifa ce. Sannan ya jaddada bukatar a ci gaba da bincike, kuma ya bukaci jami'ai masu bincike da su yi taka tsan-tsan game da hare-haren ta'addanci a wannan yanki.

A bangare guda kuma, sakatare janar ga shugaban kasar Rasha game da yada labaru Dmitri Peskov ya ce, kasancewar yanzu ne, aka fara gudanar da bincike, ba zai yiwu a bayyana dalilan da suka haddasa hadarin ba.

Bisa labarin da aka samu, an ce, tuni an riga an samu bakaken akwatuna 2 na jirgin, kuma tuni kwararru daga kasashen Rasha da Faransa da Jamus da na kamfanin Airbus suka fara binciken musabbabin hadarin jirgin.(Bako)