A jiya ne firaministan kasar Sin Li Keqiang ya kira taron zaunannen kwamitin majalisar gudanarwa ta kasar Sin, inda ya gabatar da wasu manufofin inganta aikin shigowa da kuma fitar da kayayyaki ba tare da wata matsala ba, domin karfafa shirin kasar na yin gyare-gyare da bude kofa ga kasashen waje.

A yayin taron, an bayyana cewa, daga farkon shekarar bana, tattalin arzikin kasar na bunkasa yadda ya kamata, sakamakon wasu matakai da aka dauka, a nan gaba kuma, ya kamata a ci gaba da inganta ayyukan yin kwaskwarima, da ci gaba da baiwa kamfanonin kasar karin ikon gudanar da ayyukansu da dai sauransu.

Bugu da kari, za a habaka ayyukan bude kofa ga kasashen waje, domin nuna goyon baya kan aikin kyautata yanayin tattalin arzikin kasar. Kana, ya kamata a ci gaba da kyautata yanayin cinikin ketare, da kuma daina matsa lamba ga kamfanonin ketare, ta yadda za a raya tattalin arzikin kasar. (Maryam)