in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Ana ci gaba da binciken kan kisan shugaban 'yan adawar Rasha
2015-03-01 16:42:45 cri
A ran 27 ga wata da dare, an harbe shugaban jam'iyyar adawa ta kasar Rasha Boris Nemtsov a tsakiyar birnin Moscow, ya zuwa yanzu, ana ci gaba da gudanar da bincike domin gano dalilin wannan kisa da kuma wadanda suka aikata shi.

Gwamnatin kasar Rasha ta amince da jam'iyyar adawa da ta shirya zanga-zangar nuna ta'aziyya a birnin Moscow a yau ranar Lahadi 1 ga watan Maris, wanda za a fara da karfe 3 da yamma bisa agogon wurin, kana hanyoyin zanga-zanga sun hada da wurin da aka harbe Boris Nemtsov, da wasu wuraren dake kewayen wurin, amma bai kamata adadin masu zanga-zanga ya zarce sama da dubu 50 ba, bugu da kari, rundunar 'yan sanda ta birnin Moscow ta bayyana cewa, za ta dauki matakan da suka dace domin fuskantar harkokin gaggawa da mai iyuwa ne za su faru a yayin zanga-zangar.

Shugaban kasar Rasha Vladimir Putin ya bayyana a ran 28 ga wata cewa, hukumomin kasar da abin ya shafa za su dukufa domin gurfanar da wadanda suka shirya da aikata kisan Boris Nemtsov. (Maryam)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China