in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Iran da Rasha na neman warware rikicin Syria ta hanyar siyasa
2014-12-23 10:03:41 cri
Shugaban majalisar dokokin kasar Iran Ali Larijani ya bayyana a birnin Beirut a ranar 22 ga wata cewa, kasarsa tana yin hadin gwiwa a tsakaninta da kasar Rasha don neman warware rikicin kasar Syria da yanzu haka ya shafe tsawon shekaru kimanin 4 ana yinsa ta hanyar siyasa.

Ali Larijani dake ziyara a kasar Lebanon ya gana da shugaban majalisar dokokin jama'ar kasar Nabih Barri da firaministan kasar Tammam Salam, bayan haka ya bayyana a gun taron manema labaru cewa, kasarsa tana fatan za a warware rikicin na Syria ta hanyar siyasa.

Ya ce, bai kamata a yi amfani da karfin tuwo don cimma burin kafa mulkin demokuradiyya ba, kana yadda wasu kasashen yammacin duniya da kasashen dake dab da kasar Syria suka tsoma baki kan batun kasar, ya haddasa bullar 'yan ta'adda a yankin.

Ban da wannan kuma, Larijani ya bayyana cewa, Iran da Amurka ba su cimma daidaito kan batun yaki da ta'addanci ba. (Zainab)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China