Firaministan kasar Sin Li Keqiang ya isa babban birnin kasar Kazakhstan, Astana a yau Lahadi 14 ga wata, domin kai ziyarar aiki a hukunce a wannan kasar bisa gayyatar da takwaransa na kasar Karim Massimov ya yi masa, inda za su kuma gudanar da ganawarsu karo na biyu, da kuma halartar taron shugabannin gwamnatocin kasashe mambobin kungiyar hadin gwiwa ta Shanghai.
Sa'an nan firaminista Li zai kai ziyarar aiki a kasashen Serbia da kuma Thailand bisa gayyatar da takwarorin aikinsa na kasashen nan biyu suka yi masa, inda zai kuma halarci wasu tarurukan kasa da kasa. (Maryam)
