Bisa wani labarin da gidan rediyon kasar Birtaniya BBC ya bayar, an ce, wani jami'in kungiyar kiwon lafiya ta duniya wato WHO ya bayyana a ranar 21 ga wata a birnin Geneva cewa, ana gudanar da aikin gwaji kan allurar rigakafin cutar Ebola da samar da ita. Idan aka amince da ingancin allurar kafin watan Disamba na shekarar bana, to ana sa ran samar da allurar ga mutane fiye da dubu 10 dake yammacin Afirka a watan Janairu na shekara mai zuwa. (Zainab)