Dangane da kammala dukkan ayyukan zabe a kasar Afghanistan a ranar 21 ga wata, inda Ashraf Ghani ya zama sabon shugaban kasar, kuma 'yan takaran biyu Ashraf Ghani da Abdullah Abdullah suka cimma yarjejeniyar kafa gwamnatin hadin gwiwa a kasar, madam Hua Chunying, kakakin ma'aikatar harkokin wajen kasar Sin ta bayyana yau Litinin 22 ga wata cewa, kasar Sin na maraba da kammala ayyukan zabe a Afghanistan, tare da fatan cewa, zaben da aka yi a wannan karo zai kasance tamkar wani sabon mafari ne wajen samun hadin kai da kwanciyar hankali a kasar ta Afghanistan.(Tasallah)