Kakakin ma'aikatar harkokin wajen kasar Sin Hua Chunying ta bayyana a yau Laraba 18 ga wata a nan birnin Beijing cewa, kasar Sin ta nuna juyayinta matuka kan mutuwar 'yan jaridun kasar Rasha guda biyu a kasar Ukraine, kuma Sin na damuwa sosai game da yanayin da kasar Ukraine ke ciki a halin yanzu, don haka, ta yi kira ga bangarori daban daban da abin ya shafa da su kai zuciya nesa, tsayar da rikicin kasar don a baiwa kasar damar warware matsalar da take fuskanta ta hanyar siyasa yadda ya kamata. (Maryam)