Bisa labarin da aka bayar an ce, a ran 14 ga wata, 'yan bindiga wadanda suke goyon bayan Rasha sun harbo wani jirgin dauken kaya na Ukraine a sararin saman birnin Luhansk, lamarin da ya haddasa mutuwar sojoji 49 wadanda suke cikin jirgin. Sannan a wancan rana, 'yan Ukraine wajen 300 sun kai farmaki kan ofishin jakandacin kasar Rasha dake kasar Ukraine.
Game da wadannan labarun, yau Litinin, a yayin wani taron manema labaru da aka saba shiryawa a nan Beijing, madam Hua Chunying, kakakin ma'aikatar harkokin wajen kasar Sin ta bayyana cewa, yanzu halin da ake ciki a kasar Ukraine yana jawo hankulan mutane sosai, ana fatan bangarorin da abin ya shafa su yi hakuri kan lamarin, kuma su hanzarta kawo karshen musayar wutar da ake yi a yankin domin magance mutuwar karin mutane, ta yadda za a iya kafa wani kyakkyawan yanayi ga kokarin daidaita batun Ukraine a siyasance. (Sanusi Chen)
