Sakataren shugaban kasar Rasha a fannin watsa labarai Dmitri Peskov, ya bayyana a ran 12 ga wata cewa, shugaban kasar Vladimir Putin ya yi shawarwari tare da takwaransa na kasar Ukraine Peter Poroshenko ta wayar tarho, inda suka tattauna kan shirin sassauta yanayin gabashin kasar Ukraine, sa'an nan, sun yi shawarwari kan raya dangantakar kasashen biyu.

A nasa bangaren, ofishin kula da ayyukan watsa labarai na shugaban kasar Ukraine, ya sanar da cewa, yayin tattaunawar shugabannin kasashen biyu, shugaba Poroshenko ya bayyana cewa, ko kadan ba zai amince, tankokin yakin kasar Rasha su ratsa iyakarta a hanyarsu ta shiga Ukraine ba.

Wannan shi ne karo na biyu da shugabannin kasashen biyu suka yi cudanya da juna, baya ga ganawarsu a gun bikin taya murnar cikon shekaru 70 da kwace Normandy da aka yi a makon jiya, inda shugabannin suka kwashe mintoci 15 wajen tattauna kan yadda za a iya sassauta halin da kasar Ukraine ke ciki. (Maryam)