Kakakin ma'aikatar harkokin wajen kasar Sin madam Hua Chunying ta bayyana a yau Laraba 11 ga wata cewa, Sin na goyon bayan yarjejeniyar dokar teku na kasa da kasa da kuma warware rikici kan sararin teku cikin lumana.
A gun taron manema labaru da aka yi a wannan rana, Madam Hua ta yi bayanin cewa, an kira taron musamman na kasashen da suka daddale dokar teku ta MDD karo na 24 a birnin New York a ran 9 ga wata, domin bikin cika shekaru 20 da daddale wannan yarjejeniya. Shugaban tawagar Sin kuma mataimakin wakilin dindindin na kasar Sin dake MDD Wang Min ya ba da jawabi a taron, inda ya yi kira da a kafa wani tsari dangane da teku mai jituwa tare da goyon bayan kasashen da rikicin teku ya shafa da su yi shawarwari kai tsaye domin daidaita matsalarsu. (Amina)
