Tawagar ba da taimako a kasar Iraq ta MDD ta fitar da wani rahoto a jiya Lahadi 1 ga watan Yuni cewa, cikin watan Mayun da ya gabata, mutane 799 ne suka rasu a sanadiyyar hare-haren ta'addanci da musayar wuta da suka faru a kasar yayin da munane 1409 suka jikkata, kuma galibinsu fararen hula ne, amma ban da lardin al-Anbar,

Cikin rahoton, wakilin musamman na babban magatakardar MDD mai kula da harkokin Iraq,kana shugaban tawagar Nickolay Mladebnov ya bayyana cewa, ana ganin wadannan aikace-aikacen ta'addanci da musayar wuta za su ci gaba da bata yanayin zaman karkon kasar matuka. Kuma muna fatan shugabannin kasar za su dauki matakai ba tare da bata lokaci ba, su kafa sabuwar gwamnati bisa tsarin mulkin kasar, dukufa wajen cimma matsayi guda wajen fitar da shirin warware batun al-Anbar yadda ya kamata. (Maryam)