Yau Jumma'a 23 ga wata, kakakin ma'aikatar harkokin wajen kasar Sin Hong Lei ya bayyana a yayin taron manema labaran da aka saba yi cewa, kasar Sin za ta tsaya tsayin daka wajen yaki da 'yan ta'adda, don kiyaye hadin gwiwar al'ummomin kasar, dinkuwar kasar da kuma dokokin kasar.
Ya kuma kara da cewa, 'yan ta'adda na son cimma mugun burinsu na siyasa ta hanyar kai hari a birnin Urumqi, amma dukkanin jama'ar kasar Sin ba za su yarda da burinsu da kuma matakan da suka dauka ba ko kadan. Dangane da haka, 'yan sandan kasar Sin na dukufa wajen gane harkokin wadanda suka kai wannan harin ta'addanci ya shafa, za su kuma bankado bayanan da abin ya shafa ba tare da bata lokaci ba. (Maryam)
